ہندوستان نے مسئلہ کشمیر پر اقوام متحدہ کی ثالثی کو مسترد کیا

0
92

ہندوستان نے اقوام متحدہ کے سیکریٹری جنرل انتونیو گوتریس کی مسئلہ کشمیر پر ثالثی کی پیش کش کو نہ منظور کیا اور دوٹوک الفاظ میں یہ کہا کہ مسئلہ کشمیرمیں “تیسرے فریق کی ثالثی کی کوئی گنجائش نہیں ہے”

واضح رہے کہ سیکریٹری جنرل نے یہ پیش کش ایک روز قبل اسلام آباد میں وزیر خارجہ شاہ محمود قریشی کے ساتھ مشترکہ پریس کانفرنس  کے دوران کی تھی اور انہوں نے  سلامتی کونسل کی قراردادوں کا احترام کرتے ہوئے مسئلہ کشمیر کے حل کا مطالبہ کیا تھا۔

انہوں نے اپنی  ثالثی کے کردار کی پیش کش کرتے ہوئے کہا تھا کہ اس مقصد کے  تحت  ان کے ادارے کے موثر دفاتر کو بروئے کار لایا جا سکتا ہے،  انہوں نے پاکستان اور بھارت کے تعلقات پر تبادلہ خیال کرتے ہوئے عسکری و زبانی کشیدگی کو کم کرنے کی ضرورت پر زور بھی دیا تھا۔

دوسری جانب بھارتی اخبار دی ہندو کی رپورٹ کے مطابق مطابق بھارت نے ان کی اس پیشکش کو گزشتہ شب ہی  مسترد کیا تھا۔

اخبار کے مطابق وزارت امور خارجہ کے ترجمان رویش کمار نے دعوٰی کیا ک”جموں و کشمیر کے مسئلے پر جس کو توجہ دینے کی ضرورت ہے وہ غیر قانونی اور زبردستی پاکستان کے زیر قبضہ علاقوں کو چھڑانے کا ہے، اگر کوئی مزید امور ہیں تو ان پر  دو طرفہ بحث  ہو گی،  اس میں تیسرے فریق کی ثالثی کا کوئی کردار یا گنجائش نہیں ہے۔

loading...

LEAVE A REPLY

Please enter your comment!
Please enter your name here